Ngā Toi, hoahoa, puoru me te pāpāho auaha ki Te Kunenga ki Pūrehuroa

Ko Toi Rauwharangi ki Te Whanganui-a-Tara te wāhi i tīmata mai ai te umanga o ngā tino mātanga hoahoa o Aotearoa. Ā, mā te hono mai o te puoru me te pāpāho auaha kei te puta tonu atu ngā ihu o ngā tāngata e tino whai pānga atu ki te whānuitanga o ngā ahumahi auaha.

He kāinga te Toi Rauwharangi mō ngā tino tauira huri noa i te motu, ki tua atu hoki, ko ērā e koromaki ana ki te auahatanga. He kāinga e rere noa ai te whakaaro, he herenga kore, ā, ka tino tautoko i a koe me ōu ake whakaaro.

 

Kua whiwhi tohu kē ngā tauira o te Kura, tohu ā-motu, tohu ā-ao. He tokomaha hoki ka kitea i ngā wāhanga tauira o ngā Tohu Hoahoa o te Designers Institute of New Zealand, ngā Tohu Red Dot me te whakaaturanga o te World of Wearable Arts. 

Ko ngā wāhi o Toi Rauwharangi ko Ngā Pae Māhutonga, ko Whiti o Rehua me te wāhanga hou me Te Rewa O Puanga, ā, i takea mai i te tau 1886.

Tirohia te aratohu mōhiohio o Toi Rauwharangi me ngā kōrero mō te Tohu Paetahi, Tohu Paerua ki raro iho nei mā Issuu.

Screen Shot 2015-03-26 At 10.52.59 Am    Screen Shot 2015-08-26 At 12.23.05 Pm    Cover _lookbook