Te Rewa O Puanga

Kātahi anō ka whakarewahia Te Rewa O Puanga hei urupare atu ki te tere tipu o te rongonui o Aotearoa hei wāhi hihiko, hei wāhi auaha hoki mō te puoru me te whakanao pāpāho.

E rua ngā tohu hou,toru tau te roa, mō te mahi puoru arumoni me te whakanao pāpāho auaha.

Kei te Bachelor of Commercial Music e toru ngā huarahi matua mō te puoru ā-ringa, hangarau puoru me te ahumahi puoru e hoahoatia ana mā te tangata e pīrangi ana ki te ako i ngā momo puoru hira, hangarau puoru mati me ngā mahi o te ahumahi puoru.

Kei te Bachelor of Creative Media Production he huarahi hei whai mātauranga, hei whai māramatanga hoki mō te whakanao ā-mati e whakamahia ana i te ‘animatronics’, pakiwaituhi ā-rorohiko, mau oreore, whitiata mati, whakawhanake kēmu rorohiko, hoahoa oro,  whakawhanake ipurangi, waea pūkoro, whakairo VFX, whakairo oreore. Kua whakaritea te hōtaka kia whai pūkenga ngā tauira mō ngā mahi whakanao pāpāho, ā-ringa, ā-whakaaro me te taha arumoni e tika ai ina uru atua ana ki tētahi umanga takitini, takitahi rānei.

Ko ngā kaiwhakaako ko ngā mātanga pumātauranga, kaihangarau, ringatoi nō tūārangi, kaiwhakanao me ngā  toa kaipakihi e whakaako. Ka arotahi atu ngā hōtaka hei tūhonohono i ngā tauira ki ngā hangarau hōu, ki ngā mahi auaha e hāngai ana ki te hinonga papori, hinonga ohanga me te hinonga ahurea.

Ko ngā taonga o te kura:

  • papamahi puoru me te papatohu whakawhenumi 5.1 Icon
  • whare pikitia e nōhia ana te 200 tāngata
  • papamahi pouaka pango hei whakaatu i ngā mea pāpāho
  • papamahi whitiata mati me tētahi rūma kākāriki
  • papamahi mau oreore me te ārai kākāriki
  • taiwhanga rongo mati
  • taiwhanga pakiwaituhi ā-rorohiko, kēmu rorohiko
  • taiwhanga waea pūkoro pāpāho
  • papamahi hanga taonga
  • taiwhanga hanga tauira taketake me ētahi pūrere tā ahu-3, papamahi tāhiko.

Ka whai wāhi ki te ako me te mahi i te puoru me te pāpāho i te rāngai whare wānanga e kitea ai te whānuitanga o ngā kaitono auaha. Kei ngā hōtaka te whakaako auaha, te ako auaha i roto i ngā mahi whakangahau o āianei, e pakari ai ngā tauira kia whakatutuki i ō rātou pito mata i te ao pāpāho huri noa i te ao.