Whiti o Rehua

Ko tā te Whiti o Rehua he whakarite huarahi ki te tohu paetahi me te tohu paerua, tae atu hoki ki te toi o āianei (huri noa i te ao pāpāho me ōna tikanga), te tango whakaahua, te mātauranga Māori me te ahurea papanga.

Ko āna kaimahi he mātanga, he kairangahau, he ringatoi, he ringatuhi me ngā kaiwānanga. He tohunga ngā ringa hangarau i ō rātou marau, ā, tokomaha hoki e mahi toi ana, e hoahoa ana.

Kei te Kura nei ngā wāhi mahi māhorahora, ngā papamahi me ngā taiwhanga pērā i te

  • taupuni tīramarama
  • whare tā mati
  • papamahi rākau, papamahi rino, papamahi tautauira
  • kāmera mati, kāmera kiriata
  • kāmera whitiata
  • wāhi etita, wāhi whakawhenumi
  • taupuni ārai kākariki
  • rūma pōuriuri
  • wāhi whakamātau whakaaturanga
  • wahi tino hou o roto o Te Ara Hihiko.

Ko te toi he matapihi, kia kitea, kia wheakohia, kia mārama ki te ao. Ko te matū o tō tātou ahurea ko te poipoi i ngā ringatoi, i ngā kaiwhakahiato, i ngā ringatuhi, i ngā kaihoahoa, i ngā kaiwhakanao me ngā kaiwānanga kia puta i a rātou ngā mahi nui whakahirahira me te tuari atu ki te motu, ki te ao whānui hoki.

Ko ngā paetahi o Whiti o Rehua he tangata mātau, auaha, ngākaunui, manahau, he kaihanga. Ki a rātou, mā ā rātou mahi ka panoni te ao — ahakoa hei ringatoi, hei kaipakihi, hei mahi tahi me ētahi atu o te ao ahumahi — whare pupuri taonga, whare whakaatu toi, te ao mātauranga, ngā kiriata, te pouaka whakaata, te whare pukapuka, pūranga taonga hei tīmatanga.

 

Emma Febvre-Richards, Acting head of school, Whiti o Rehua School of Art