Nau mai, piki mai ki - Toi Rauwharangi
He kura toi, he kura hoahoa e hau nei tōna rongo huri noa i te ao, ā, kei Te Whanganui-a-Tara e tū nei. I te tau 2014 ka whakawhānui i ōna hōtaka mā te Te Rewa o Puanga.
Ko te Kura:
- e ai ki a RED DOT te pokapū ā-ao hei tuku tohu hoahoa, ka tū tuawhā i te ao, ka mutu, he tohu o te kounga o ōna hōtaka hoahoa.
- te kura toi, te kura hoahoa tuatahi i waho atu i a Amerika ki te raki kia whakawhiwhia ki te “substantial equivalency” e te rōpū whakamana o Amerika, e NASAD – koia rā te tino taumata mō te mātauranga mahi toi, mahi hoahoa huri noa i te ao.
- te kura matua i Aotearoa nei mō te rangahau i te hoahoa me te toi ataata, e ai ki te kōwhiringa o te kāwanatanga mō te Pūtea Rangahau o 2012.
- mō te rautau neke atu, e mau nei i tōna ōhākī mō te mātauranga auaha.
‘Mai te po, ki te ao Marama - from novice to expert'
Ko tā te Kura, he whakarite i tētahi wāhi ako e momoho ana me āna rauemi huhua, e awe nei i te poipoi i te rangahau, i te mātauranga me te mahi auaha. Mai i te āta whiriwhiri i te urunga mai, ā, haere ake nei kia whakatutuki i ā rātou tohu, ka whai mātauranga, ka whai pūkenga hoki ngā tauira e puāwai ai i ngā ahumahi auaha, ka whiwhi tohu, ka haere hei kanohi mō Aotearoa me te aha anō ka whiwhi tino tūranga e tautohu ana i te whakaaro auaha i ngā pakihi o te ao whānui.
Mā Ngā Pae Māhutonga me Te Rewa O Puanga ka tū ōna hōtaka tae atu ki te:
- pūoru arumoni
- huanga pāpāho auaha
- hoahoa kākahu me te pakihi
- toi ātanga
- hoahoa ahumahi
- tango whakaahua
- hoahoa mokowā
- hoahoa pūweru
- ahurea ataata, ahurea papanga
- he whānui ngā hōtaka ataata, ngā hōtaka hoahoa.
He maha ngā pūtahi rangahau, hinonga e mahi tahi ana me ngā kaimahi. E 84% o ngā kaimahi he kairangahau, mutu ana, ko te Kura he kaiarataki matua i roto i te hoahoa me te toi ataata i Aotearoa.
Ko te Kura he kaiwhakarato matua mō te mātauranga toi auaha i ngā whare wānanga o Aotearoa, ā, ko tōna rongonui he mea puta mai i te mahi rangahau, i te mahi hihiko me ngā kaupapa pakihi.
Whitiata Umanga
Pōhiritia ai i ia tau ngā tauira me ō rātou mātua ki te rapu kōrero mō te hua o te akoako i te mahi toi, mahi hoahoa me te pāpāho auaha hei āwhina i a koe i tō umanga.
Mātakitakihia ngā whakaaturanga o 2014.
